free bootstrap website building software

Leit, redden pälzisch!

Mer Pälzer sin klore Leit, und mer babbeln wie uns de Schnawwel gewachse iss.
Ess gäbt ach Leit, vor allem aussem Norde vunn Deitschland, die mänen, die Pälzer Sprooch sei derb. Awwer die hänn halt kä Gschpür fer die Scheenheit vun unserm Idiom!

Alla, isch hoff, ihr hänn viel Frääd an denne Seite. Mir hot's zumindescht Schpass gemacht, die G'schichtelscher uffzuschreiwe.

Pälzer Bu

Des is de Texschd vun dem bekannte Liedl vum Pälzer Bu. 


Hoch unser Palz

De Karl Räder hot vor viele Johre diese Hymne uff die Palz geschriwwe.


Palzwei

De Kurt Dehn hot des Liedel weit iwwer die Grenze vun de Palz bekannt gemacht.

Pfälzer Lied

De Klassiker vum Eduard Jost (Text) und Baptiste Sauvlet (Melodie).


Pfalzlied

Die Pälzer-Hymne vunn de anonyme Giddarischde is in de Palz längschd schun Kult!

En Mensch esch edel, hilfreich, gut,
soudaß er veel far annre duht,
un denkt vor laurer annre nit,
daß es jo ach e h n selwer gitt!

Bei diesem Wein
Du alles vergißt,
Du kannst Ihn Tagelang trinken.
Und wenn die rechte Hand
die müde ist,
so hebe das Glas
mit der Linken!

Isch bin än echte Pälzer Bu

Ä bekanntes Liedel aus de Palz.

Ich bin en echte Pälzer Bu,

de stärkscht vun unsre Gass,

hei, wer die Pälzer Buwe kennt,

des is e edli Rass'

kä Schlippche un kä Krage, nä,

des is uns viel zu dumm,

mer fliechen jo de ganze Daach

im Chauseegrawe rum.


Refrain

Horch do mol hie,

des klingt ganz pälzerisch,

hollahiaho!

Voller Witz un voller Schneid,

so babbeln do die Leit.

Vor so 're Ausdrucksweis

hot jedermann Reschpekt.

Des is un bleibt

de unverfälschter Pälzer Dialekt.


Un wann zwää Pälzer Hännel

hen, des is e wohri Frääd,

en Fremder, wu voriwwergeht,

vergeßt's sei Lebdag net.

Die Werter, wu do fliechen riwwer

un niwwer iwwer de Disch,

die stehn noch in käm Lexikon,

die sin jo noch ganz frisch.


Refrain

Horch do mol hie ...


Ei Du Bangert, ei, Du scheeler,

ei, Du Rindvieh, Du Kamel,

ei, was bischde dann fer äner, ei,

was gugschte dann so scheel?

Du hoscht jo in dem Lewe noch

kä Kannelwasser g'soff,

wann ich dich am Schlawitsche

nemm, dann saufschte's awwer doch!


Refrain

Horch do mol hie ...

Besser als Arznei un Troppe, iss än gure Pälzer Schoppe.

Hier wucherte früher bereits jene allgemeine schmeidigende Geistesbildung, welche dem echten Haardtpfälzer glauben macht, daß er schon von der bloßen Luft seiner sonnigen Hügel gescheiter würde als andere Leute.

Hoch unser Palz am Rhei!

Karl Räder

Pälzer Winzer, Pälzer Wei,

Pälzer Schbrooch un Sunneschei

Pälzer Duwack, Pälzer Worscht,

Pälzer Mäd un Pälzer Borscht,

Pälzer Frohsinn un Humor,

Pälzer Lieder, frisch un klor,

Pälzer Wald un Pälzer Feld:

Gibts nor emol in de Welt!

Hoschde Riesling in de Blutbahn, bischde Sexy wie än Truthahn.

Andere Leute reden auch nicht lauter Weisheit,
aber sie reden leiser als die Pfälzer.

Ja so än gude Palzwei - gekrächzt vun de Krabb aussem Pussierpäddel

In de Palz geht de Parre mit de Peif in die Kerch!

Das Pfälzer Lied.

Än Limerick aus Weyher

In Weyher schafft än Waldarbeiter        

aach noch als Rentner alsfort weiter.        

Am Pussierpäddel schnitzt er voll Stolz        

ä Viech nochem anner ins Holz!        

Selbscht grimmige Wandersleit gucken do heiter!        

Palzlied - Des wärmt es Pälzer Herz!