Des is de Texschd vun dem bekannte Liedl vum Pälzer Bu.
De Karl Räder hot vor viele Johre diese Hymne uff die Palz geschriwwe.
De Kurt Dehn hot des Liedel weit iwwer die Grenze vun de Palz bekannt gemacht.
De Klassiker vum Eduard Jost (Text) und Baptiste Sauvlet (Melodie).
Die Pälzer-Hymne vunn de anonyme Giddarischde is in de Palz längschd schun Kult!
Ä bekanntes Liedel aus de Palz.
Ich bin en echte Pälzer Bu,
de stärkscht vun unsre Gass,
hei, wer die Pälzer Buwe kennt,
des is e edli Rass'
kä Schlippche un kä Krage, nä,
des is uns viel zu dumm,
mer fliechen jo de ganze Daach
im Chauseegrawe rum.
Refrain
Horch do mol hie,
des klingt ganz pälzerisch,
hollahiaho!
Voller Witz un voller Schneid,
so babbeln do die Leit.
Vor so 're Ausdrucksweis
hot jedermann Reschpekt.
Des is un bleibt
de unverfälschter Pälzer Dialekt.
Un wann zwää Pälzer Hännel
hen, des is e wohri Frääd,
en Fremder, wu voriwwergeht,
vergeßt's sei Lebdag net.
Die Werter, wu do fliechen riwwer
un niwwer iwwer de Disch,
die stehn noch in käm Lexikon,
die sin jo noch ganz frisch.
Refrain
Horch do mol hie ...
Ei Du Bangert, ei, Du scheeler,
ei, Du Rindvieh, Du Kamel,
ei, was bischde dann fer äner, ei,
was gugschte dann so scheel?
Du hoscht jo in dem Lewe noch
kä Kannelwasser g'soff,
wann ich dich am Schlawitsche
nemm, dann saufschte's awwer doch!
Refrain
Horch do mol hie ...
Karl Räder
Pälzer Winzer, Pälzer Wei,
Pälzer Schbrooch un Sunneschei
Pälzer Duwack, Pälzer Worscht,
Pälzer Mäd un Pälzer Borscht,
Pälzer Frohsinn un Humor,
Pälzer Lieder, frisch un klor,
Pälzer Wald un Pälzer Feld:
Gibts nor emol in de Welt!
In Weyher schafft än Waldarbeiter
aach noch als Rentner alsfort weiter.
Am Pussierpäddel schnitzt er voll Stolz
ä Viech nochem anner ins Holz!
Selbscht grimmige Wandersleit gucken do heiter!